🔹 अण्णाभाऊ साठे यांच्या १०५ व्या जयंतीनिमित्त लोणीकंदमध्ये अभिवादन सोहळा मोठ्या उत्साहात पार पडला 🔹

ता. १ ऑगस्ट, लोणीकंद, पुणे (जिल्हा प्रतिनिधी – अलीशा तांबोळी ), रिपब्लिक व्हॉइस इंडिया

लोणीकंद येथील समृद्धी पार्क येथे हवेली तालुक्यात महाराष्ट्राचे थोर साहित्यिक, समाजसुधारक आणि लोकनेते अण्णाभाऊ साठे यांच्या १०५ व्या जयंतीनिमित्त अभिवादन सोहळ्याचे आयोजन करण्यात आले होते.

कार्यक्रमाची सुरुवात अण्णाभाऊ साठे यांच्या प्रतिमेचे पूजन व अभिवादनाने करण्यात आली. यानंतर रणधीर सर यांनी प्रास्ताविक केले, तर डी. बी. धावरे यांनी अण्णा भाऊंच्या संघर्षमय जीवनाचा व त्यांच्या क्रांतिकारी साहित्याचा मागोवा घेत, मनुवादी विचारसरणीने कशा प्रकारे या साहित्याला नाकारले गेले, यावर प्रकाश टाकला. त्यांनी असेही सांगितले की, ज्या थोर महापुरुषांनी समता, स्वातंत्र्य, बंधुता व न्याय प्रस्थापित करण्यासाठी आपले संपूर्ण जीवन समर्पित केले, त्यांच्याच विचारांना संपवण्यासाठी मनुवादी ताकदी संघटित कट रचत आहेत. त्यामुळे बहुजन समाजाने वेळेत जागरूक होऊन राष्ट्रव्यापी जनआंदोलन उभारण्याची गरज असल्याचे त्यांनी ठामपणे सांगितले.

सहारकर साहेबांनी या काळात “तिसऱ्या आजादी”ची आवश्यकता असल्याचे स्पष्ट केले. तसेच प्रफुल्ल थडवे, हर्षद वानखेडे, आणि वाघमारे यांनीही अण्णाभाऊ साठे यांच्या कार्यावर आणि विचारांवर सखोल विचार मांडले.

या कार्यक्रमाच्या यशस्वीतेसाठी हिवाळे, पारवे, कांबळे, वानखेडे यांनी विशेष मेहनत घेतली. कार्यक्रमाचा समारोप विलास वानखेडे यांच्या आभार प्रदर्शनाने झाला.